Western Cape Auctioneers verwag 2010 gaan goeie jaar wees
	Western Cape Auctioneers is vol vertroue dat 2010 opwindende moontlikhede vir Kaapstad se beleggers inhou. Ook vir die personeel van hierdie afslaersonderneming, wat hul vakansie moes kort knip om in die vraag na spyseniers produkte van gehalte te voorsien. Die eerste veiling het reeds die afgelope Donderdag by hul veilingsperseel in Brackenfell, Okovangopark plaasgevind en was ’n groot sukses.Meer as 300 lotte goedere is verkoop en die kopers het die een slag na die ander geslaan. Die volgende veiling vind Donderdag om 11:00 by die veilingsperseel plaas. Hierdie keer sal die volledige bates van ’n gewilde deftige restaurant, wat in die Tygerwaterfront geleë was, opgeveil word. Al die bates is verwyder en in ’n baie goeie toestand. Sedert die begin van die jaar is drie restaurante gesluit, maar daar is hoop dat die restaurantbedryf vanjaar weer sal groei en dat meer mense veilings sal bywoon om toerusting te bekom. Gedurende 2009 het Western Cape Auctioneers die bates van altesaam 101 restaurante in die WesKaap alleen verkoop. Verlede Donderdag is die bates van twee restaurante opgeveil. Die volledigebates van BJ Restaurant by die lughawe en ’n koffiewinkel in Parow is verkoop. Restaurante verwag dat hulle in die volgende paar maande bykomende kliënte kan verwag met die Wêreldbeker sokkertoernooi wat op hande is. Baie restaurante word tans opgeknap en uitgebrei om hiervoor voorsiening temaak. Vir restauranteienaars wat van hul ongewenste goedere ontslae wil raak, is Western Cape Auctioneers ’n gerieflike afsetpunt om sulke goedere van die hand te sit,en ook sommer ander toerusting van hoë gehalte vir nuwe restaurante aan te skaf. Western Cape Auctioneers is reeds vir die afgelope 11 jaar welbekend daarvoor dat hulle weekliks veilings van spyseniers toerusting hou. Hierdie onderneming is besig om vinnig uit te brei, en hulle is vol vertroue dat 2010 ’n bedrywige jaar gaan wees. Tydens eerskomende Donderdag se veiling sal daar onder meer nuwe goedere wees wat deel is van ondernemings wat gelikwideer is en verkoop moet word.Die goedere wissel van bakkery en slaghuis tot spysierniers toerusting. Die Veilingskool open ook weer op 15 Februarie vir die eerste kursus om opleiding te verskaf oor die tegnieke wat benodig word om ’n suksesvolle afslaer te word. Die skool word weens die groot belangstelling en aanvraag heropeneninskrywings vir die eerste kursus vorder fluks. Vir meer besonderhede of om vir jouself plek te bespreek by dié skool stuur gerus vir mnr. Stef Olivier ’n epos na Stef@westerncapeauctioneers.co.za.